Осум фудбалски легенди ќе им ја кројат судбината на учесниците на Мундијалот во Русија

Меѓународната фудбалска федерација (ФИФА) откри кој на ждрепката во Москва ќе им ја крои судбината на учесниците на мундијалот во Москва.

Групите за Светското првенство, кое од 14 јуни до 15 јули 2018 година ќе се одржи во Русија, ќе бидат извлечени на 1 декември во Кремљ. ФИФА во петокот откри дека поранешниот англиски репрезентативец и најдобар стрелец на мундијалот во Мексико во 1986 година, Гери Линекер, и руската новинарка Марија Команднаја ќе бидат водители на целата програма.

Денес, Светската фудбалска федерација на својот налог на „Твитер“ ги објави и имињата на фудбалските великани што ќе помагаат на ждрепката, односно имињата на учесниците кои ќе им ја кројат судбината.

Топчињата ќе ги влечат фудбалските легенди Лоран Блан (Франција), Гордон Бенкс (Англија), Кафу (Бразил), Фенио Канаваро (Италија), Диего Форлан (Уругвај), Карлес Пујол (Шпанија), Диего Армандо Марадона (Аргентина) и Никита Симонјан (Русија).

На мундијалот во Русија ќе учествуваат 32 селекции, кои ќе бидат распределени во осум групи со по четири репрезентации.

Распоред на репрезентациите:
1. Русија, Германија, Бразил, Португалија, Аргентина, Белгија, Полска, Франција
2. Перу, Шпанија, Швајцарија, Англија, Колумбија, Мексико, Уругвај, Хрватска
3. Иран, Сенегал, Египет, Тунис, Шведска, Костарика, Данска, Исланд
4. Србија, Нигерија, Австралија, Јапонија, Мароко, Панама, Јужна Кореја, Саудиска Арабија.

Икарди потпишува за Реал на крајот од сезоната

Аргентинскиот напаѓач и капитен на Интер, Мауро Икарди, игра во феноменална форма веќе неколку сезони во Серија А и е вистинско чудо како се уште не направи исчекор во кариерата, односно не игра за некој поамбициозен клуб.

Според информациите од Италија аргентинскиот напаѓач кариерата ќе ја продолжи во Реал Мадрид и дека тоа е понудата која Икарди ја очекува веќе подолго време.

Иако тој своевремено беше дел од Барселона, очигледно е дека не би имал ништо против да заигра во дресот на лутиот ривал на Каталонците.

Премиерот Заев му ја подари вардаровата „деветка” на Вучиќ (ФОТО)

Премиерот на Р. Македонија, Зоран Заев е во посета на Белград, и на средбата со претседателот на Србја, Александар Вучиќ, приреди мало изненадување.

Во таа прилика, Претседателот на владата на Р. Македонија му подари дрес од фудбалскиот клуб Вардар со бројот „9″, на кој на задната страна стои презимето Вучиќ.

извор:sportmedia.mk

Академија Пандев и Вардар ќе играат в недела во Струмица

Заостанатиот натпревар меѓу Академија Пандев и Вардар од 8. коло на Првата македонска фудбалска лига ќе се одигра в недела од 13 часот во Струмица.

Иако првично беше најавено дека в недела, сепак, ќе се игра дуелот од редовното 17. коло меѓу двете екипи, натпреварувачката комисија одлучи да се одигра најпрво заостанатиот натпревар од 8. коло.

Мечот од 17. коло меѓу двете екипи ќе се одигра на 10. декември во Скопје ,a веднаш потоа, на 13. декември Вардар треба да го одигра и заостанатиот натпревар од 12. коло против Работнички.

Вардар во четврток му гостува на Зенит во петтиот натпревар од Лигата на Европа кој ќе започне во 19 часот.

Милан може да биде исфрлен од Лига Европа

Италијанскиот фудбалски гигант Милан може да биде исклучен од европските натпреварувања поради нарушување на Финансискиот фер-плеј, пренесува шпанскиот весник „Марка“.

Минатата недела раководството на Милан имаше состанок со челниците на УЕФА каде го презентираше својот бизнис план и финансиите Меѓутоа, според изворите кои ги има весникот генералниот директор на „росонерите“ Марко Фасоне не ја убедил УЕФА.

Европската куќа на фудбалот не е убедена дека клубот преку приходи може да ги врати тие средства, особено поради фактот што „росонерите“ во моментов се далеку од основната цел, пласман во Лигата на шампиони.

Поради тоа Милан може да биде финансиски казнет или исфрлен од европските натпреварувања на одредено време.

Ракометните младинките ги добија своите противници во квалификациите за пласман на СП 2018

Женската младинска ракометна репрезентација на Македонија (У20) во квалификациите за СП 2018 (У20) во Унгарија ќе игра во Групата 4, заедно со селекциите на Германија, Исланд и на Литванија.

Со денешната ждрепка во Виена беа одредени седумте европски квалификациски групи. Квалифиакциските натпревари ќе се одиграат од 23 до 25 мај 2018 година, а домаќините на групите ќе бидат дополнително одредени.

Од групите 1 и 2 пласман на СП ќе обезбедат првите две репрезентации, а од останатите квaлификациски групи, меѓу кои и групата 4 во која ќе игра Македонија, место на СП 2018 обезбедуваат само првопласираните репрезентации.

Директен пласман на СП имаат Франција, Русија и Данска, првите три репрезентации на ЕП 2017 (У19) и Унгарија како домаќин на шампионатот.

Светското првенство за ракометарки до 20 години ќе се одржи од 1 до 15 јули 2018 година во Унгарија.

Каменица и ППД Загреб ја раскинаа соработката

Искусниoот ракометен стратег, Касим Каменица не е повеќе предводник на хрватскиот шампион, ППД Загреб, откако по средбата со раководството на клубот двете страни спогодбено го раскинаа договорот.

63-годишниот Каменица во Загреб пристигна оваа сезона со амбиции да го врати тимот во врвот на европскиот ракомет, но во тоа не успеа и ќе мора да си замине од тимот.

ППД Загреб бележи слаби резултати во овогодишнот издание на ЛШ и има само два бода и е на последната позиција во групата А, додека во СЕХА-лигата од седум средби има 13 бода и се наоѓа на 4. позиција на табелата во регионалното натпреварување.

Костовски нема да настапи против Словачка,Стајиќ на негово место

Македонската машка кошаркарска репрезентација ослабена ќе биде на мечот против Словачка во рамките на првиот натпревар од претквалификациите за пласман Евробаскетот 2021 година. Плејмејкерот Александар Костоски нема да биде со националната селекција бидејќи се пожали на болка на листот од ногата и ќе остане во Скопје.

Кошаркарот на романски Питешти ќе замине на дополнителни лекарски прегледи, после кои ќе се знае какви се шансите за негов настап в недела на вториот меч против Швајцарија. Селекторот Давитков Костовски ќе го замени со играчот на МЗт Скопје Аеродром Бобан Стајиќ.

На репрезентацијата и се приклучи и натурализираниот Американец Ричард Хендрикс, кој ја прифати поканата на селектор Давитков за овие два натпревари.

Уште еден член замешан во скандал на ФИФА го загуби животот

Потпретседателот на мексиканската национална телевизија Адолфо Лагос е застрелан во неделата вечерта од двајца вооружени напаѓачи. Личното обезбедување на 69-годишниот Лагос не успеале да го заштитат, а тој подоцна во болница им подлегна на повредите.

Лагос беше вмешан во корупциски скандал во ФИФА и беше еден од обвинетите за давање мито за добивање на правата за емитување на телевизиски натпревари.

Интересно е дека Лагос е вториот човек поврзан со овој корупциски скандал, кој го изгуби својот живот во рок од неколку дена. Минатиот вторник Аргентинецот Хорхе Делон изврши самоубиство, откако беше осуден за давање мито во форма на буриња вино.

Македонското дерби во СЕХА лигата Вардар-Металург закажано за 9 декември во СЦ „Јане Сандански“

До крајот на оваа година на македонскиот и европски ракометен првак Вардар му остануваат за одигрување уште два натпревари во ЕХФ лигата на шампиони и уште четири во СЕХА Газпром лигата. Од овие шест мечеви на три Вардар е домаќини, а на три гостин.

Еден од тие натпревари во СЕХА Газпром лигата ќе биде македонското дерби Вардар-Металург кое е закажано за 9 декември во СЦ „Јане Сандански” во Скопје со почеток во 20,45 минути.

На првиот меѓусебен дуел сезонава во СЕХА лигата, Вардар победи во „Борис Трајковски” со 32-23. „Црвено-црните” се лидери во СЕХА лигата.Мечот Мешков Брест – Вардар е закаќан за 1 февруари 2018 година.